ᐱᓂᐊᕐᓂᑎᒍᑦ, ᐃᓗᕐᕈᓯᑎᒍᓪᓗ ᒪᑭᑕᒐᓱᐊᕐᓂᑯᓪᓗ, ᒪᑭᕝᕕᑯᑦ ᓯᕗᓕᕐᓯᓯᒪᓕᕐᑐᑦ ᐱᕈᕐᓴᑕᐅᔪᖃᕐᑎᓗᒍᓗ ᐱᕙᓪᓕᐊᑎᑕᐅᔪᖃᕐᑎᓗᒍᓗ ᓄᓇᑦᓯᐊᒥᒃ ᑌᔭᐅᒍᓯᓕᒻᒥᒃ ᓄᓇᕕᒻᒥᒃ ᑕᒫᓂ, ᑲᓇᑕᐅᓪᓗ ᑯᐯᒃᑯᓗ ᓄᓇᕐᔪᐊᖁᑎᖏᑦᑕ ᐊᑯᓐᓂᖓᓂ, ᐃᓄᐃᑦ ᓄᐃᑦᓯᓯᒪᓕᕐᒪᑕ ᓇᒻᒥᓂᖅ ᐃᓂᒋᓂᐊᕐᑕᒥᓂᒃ ᐃᓕᑕᕆᔭᐅᒪᒍᑎᒋᓂᐊᕐᑕᒥᓂᓪᓗ.
ᒪᑭᕝᕕᒃ, ᐃᓄᑦᑎᑐᑦ ᑐᑭᖃᕐᓱᓂ ᐃᒫᒃ “ᒪᑭᒋᐊᕐᕕᒃ,” ᐊᑦᓯᑕᐅᒪᒍᓯᖓ ᓇᒻᒪᓈᕐᓯᒪᔪᖅ ᑎᒥᐅᔪᒧᑦ ᑎᓕᔭᐅᒪᒍᑎᓕᒻᒧᑦ ᐅᖄᒍᓐᓇᕕᖃᕐᓂᒥᒃ ᑭᒡᒐᑐᕐᓗᓂ ᓄᓇᕕᐅᑉ ᐃᓄᖏᓐᓂᒃ, ᐊᒻᒪᓗ ᓴᐳᑦᔨᓗᑎᒃ, ᐱᔪᓐᓇᐅᑎᒋᔭᐅᔪᓂᒃ, ᐱᔪᑦᓴᐅᔮᕈᑕᐅᔪᓂᓪᓗ ᐊᒻᒪᓗ ᑮᓇᐅᔭᑎᒍᑦ ᐊᑭᓕᕐᑕᐅᒪᒍᑎᓂᒃ ᑖᒃᑯᓄᖓ 1975-ᒥ ᔦᒥᔅᐯᒥᓗ ᑯᐯᒃ ᑕᕐᕋᖓᓂᓗ ᐊᖏᖃᑎᒌᓐᓂᖓᓂᒃ, ᓯᕗᓪᓕᐸᐅᑦᓱᑎᒃ ᐊᖏᖃᑎᒌᒻᒪᕆᐅᑎᐅᓯᒪᓕᕐᑐᓂᒃ ᐃᓄᐃᑦ ᓄᓇᑖᕐᓂᖏᓐᓄᑦ ᑲᓇᑕᒥ, ᐊᒻᒪᓗ ᖃᒻᒥᐅᓂᕐᓴᑯᑦ ᑕᕆᐅᕐᒨᓕᖓᔪᓂᒃ ᓄᓇᕕᒻᒥᐅᑦ ᐃᓄᐃᑦ ᓄᓇᑖᕐᓂᒧᑦ ᐊᖏᖃᑎᒌᒍᑎᖏᓐᓂᒃ ᐊᑐᓕᕐᑎᑕᐅᓚᐅᔪᔪᓂᒃ 2008-ᒥ.
ᒪᑭᕝᕕᐅᑉ ᑎᓕᔭᐅᒪᒍᑎᖏᑦ ᐊᑦᔨᒋᔭᐅᓂᖃᖕᖏᑐᑦ ᐃᓕᖓᔪᑦ ᓇᒻᒥᓂᖃᕐᓂᒥᒃ ᖄᖏᕐᓂᑯᓕᐅᓲᓂᒃ ᐱᔅᓇᓯᑎᒍᑦ ᑮᓇᐅᔭᓕᐅᕋᓱᐊᕐᕕᓂᒃ ᐊᒻᒪᓗ ᐱᓇᓱᒐᑦᓴᓕᐅᕐᓂᒥᒃ; ᐃᓅᓯᕐᑎᒍᑦ ᒪᑭᑕᒐᓱᐊᕐᓂᑯᓪᓗ ᐱᕙᓪᓕᐊᑎᑦᓯᓂᕐᒥᒃ, ᐱᐅᓯᓕᐅᒥᑎᑦᓯᓂᕐᒥᓗ ᐃᓪᓗᖃᑦᓯᐊᖏᓐᓂᒥᒃ, ᓴᐳᑦᔨᓂᕐᒥᓗ ᐃᓄᐃᑦ ᐅᖃᐅᓯᖓᓂᒃ ᐃᓗᕐᕈᓯᖓᓂᓪᓗ ᐊᒻᒪᓗ ᓄᓇᑐᖃᖓᑕ ᐊᕙᑎᑐᖃᖓᓂᒃ.
ᒪᑭᕝᕕᑯᑦ ᐱᓇᓱᐊᓲᖏᑦ ᑕᑯᑦᓴᐅᑎᑦᓯᔪᑦ ᖃᓄᐃᓪᓗᐊᑑᒍᓐᓇᕆᐊᖏᑦ ᐅᓪᓗᒥᓂᑌᑦ ᓄᓇᖃᕐᖄᓯᒪᔪᐃᑦ ᐊᖏᒻᒪᕆᐅᑎᖏᑦ ᐅᕝᕙᓘᓐᓃᑦ ᓄᓇᑕᕐᓂᒧᑦ ᐃᓂᓪᓚᑕᐅᔪᐃᑦ ᐱᕙᓪᓕᖁᑕᐅᒍᓐᓇᕆᐊᖏᑦ ᑲᕙᒪᓄᓪᓗ ᐃᓄᓐᓄᓗ.
1975-ᒥ ᓯᕗᓪᓕᐹᖅ ᐊᖏᖃᑎᒌᒍᑎᒃ ᐊᑎᓕᐅᕐᑕᐅᑎᓪᓗᒍ, ᐃᒣᓕᖓᒋᐊᓚᐅᔪᒻᒪᑦ ᑕᒪᒃᑯᐊ “ᐃᓂᓪᓓᒍᑏᑦ ᐃᓄᐃᑦ ᓄᓇᑖᕈᑎᖏᓐᓂᒃ” ᑕᑯᓐᓈᑕᐅᓂᖃᕆᐊᖃᕐᑎᓗᒋᑦ “ᓄᑖᒥᒃ ᐱᒋᐊᕐᓂᒥᒃ’ ᐃᒣᑦᑐᒧᑦ ᐱᕙᓪᓕᐊᑎᑦᓯᕐᓂᒧᑦ ᑲᔪᓯᑎᑦᓯᓂᕐᒧᓗ ᓄᑖᒥᒃ ᖃᓄᐃᓕᐅᖃᑎᒌᓐᓂᒥᒃ ᐊᒻᒪᓗ ᐱᔅᓇᓯᓕᕆᒍᓯᕐᓂᒃ ᑲᓇᑕᐅᓪᓗ ᑯᐯᒃᑯᓗ ᑲᕙᒪᖏᓐᓂᒃ.
ᒪᑭᕝᕕᐅᑉ ᑐᕌᒐᖏᑦ
ᐊᓪᓚᕕᒻᒪᕆᖓᑦ / Head Office: Kuujjuaq
P.O. Box 179
Kuujjuaq, Québec
J0M 1C0
(819) 964.2925
1.877.625.4845
Montreal
1111 Dr. Frederik-Philips Blvd, 3rd Floor
St. Laurent, Québec
H4M 2X6
(514) 745.8880
1.800.361.7052
Quebec City
580 Grande-Allée E, Suite 500
Québec (Québec)
G1R 2K2
(418) 522.2224
Ottawa
75 Albert St.
Suite 1006
Ottawa, ON
K1P 5E7
(613) 695.2529
Copyright 2019 Makivvik Corporation